Գյումրու կենտրոնական հրապարակում այսօր՝ ժամը 11:00-ից, կգործի շարժական բուժկենտրոնը, որտեղ Շիրակի մարզի քաղաքացիները կարող են մոտենալ և պատվաստվել կորոնավիրուսային հիվանդության դեմ: Նախնական գործելու է միայն մեկ շարժական բուժկենտրոն:
Շարժական բուժկենտրոնի աշխատանքը կկազմակերպեն հիվանդությունների ազգային կենտրոնի Շիրակ մասնաճյուղի մասնագետները և Գյումրու պոլիկլինիկաներից մեկի աշխատակիցները: Այս մասին «Հայկական Ժամանակին» հայտնեցին Շիրակի մարզպետարանի լրատվականից:
Հիշեցնենք՝ շարժական պատվաստումային խմբեր գործում են նաև Երևանի հանրային տարբեր վայրերում և Լոռու մարզի Վանաձոր համայնքում: Շարժական բուժկենտրոնների նպատակն է բնակչությանը առավել մոտեցնել և հեշտացնել պատվաստվելու ծառայությունը:
