Մենք հաղորդագրություն էինք ստացել, որ մի քանի բնակիչներ թունավորման որոշակի սիմպտոմներով դիմել էին հոսպիտալացման. մեր արագ արձագանքման խումբը մեկնել է այնտեղ, վերցրել է նմուշներ ջրի բոլոր կետերից եւ հիմա իրականացնում է փորձաքննություններ: Այս մասին, այսօր՝ մայիսի 13-ին, կառավարության նիստից հետո լրագրողների հետ զրույցում նշեց առողջապահության նախարար Անահիտ Ավանեսյանը՝ անդրադառնալով Սիսիանում ջրից թունավորման 296 դեպքին:
«Շուտով այդ փորձաքննությունները կավարտվեն եւ մենք համապարփակ տեղեկատվություն կներկայացնենք: Ընդհանրապես, մենք բոլոր բնակավայրերում ջրից կլինի, թե որեւէ այլ բանից, եթե թունավորման դեպք է լինում, միշտ արձանագրում ենք եւ տեղեկատվությունը տրամադրում ենք: Ոչ մի արտասովոր բան չկա այստեղ»,-ասաց նա:
- Այսօրվա դրությամբ` Սիսիան համայնքում արձանագրվել է աղիքային վարակներին բնորոշ ախտանշաններով 296 դեպք. ԱՆ
- Սիսիանում աղիքային վարակիչ հիվանդությունների դեպքերի բռնկման հավանական պատճառ դիտարկվում է ջրային գործոնը. ԱՆ
Տեսանյութը` News.am-ի:
