Այսօր` մայիսի 21-ին, շղթայական ավտովթար է տեղի ունեցել Երևանում։ Ժամը 13։20-ի սահմաններում Արտաշիսյան 51/17 հասցեի շենքի դիմաց բախվել են Porsche, Kia Sorento, Opel մակնիշի ավտոմեքենաները։
Shamshyan.com-ի փոխանցմամբ բախման հետևանքով Porsche-ը առաջ է ընթացել և բախվել ճանապարհի թույլատրելի հատվածում կայանված Mercedes մակնիշի ավտոմեքենային, վերջինս էլ առաջ է ընթացել և բախվել ճանապարհի թույլատրելի հատվածում կայանված Mazda մակնիշի ավտոմեքենային։ Վթարի հետևանքով, ըստ նախնական տեղեկությունների, բարեբախտաբար, տուժածներ չկան։
