Հունիսի 4-ին, ժամը 22։00-ին Գեղարքունիքի մարզային ճգնաժամային կառավարման կենտրոն ահազանգ է ստացվել, որ Սևան-Երևան ավտոճանապարհին տեղի է ունեցել ՃՏՊ: Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ
ԱԻՆ տեղեկատվությամբ, պարզվել է, որ Երևան-Սևան ավտոճանապարհի 51-րդ կմ-ին «BMW» մակնիշի ավտոմեքենան (վարորդ` Կ. Ա.) դուրս է եկել ճանապարհի երթևեկելի հատվածից և շրջվել:
Մինչև փրկարարների կանչի վայր հասնելը, վարորդին տեղի ուժերով դուրս են բերել ավտոմեքենայից․ հոսպիտալացման կարիք չի եղել: Փրկարարները հոսանքազրկել են ավտոմեքենան, դուրս բերել ուղևորի դին և մոտեցրել շտապօգնության ավտոմեքենային։
