Ֆրանսիայի նախագահ Էմանուել Մակրոնի պաշտոնական լուսանկարիչը նախագահական ընտրությունների երկրորդ փուլի նախաշեմին հրապարակել է երկրի նախագահի ոչ ստանդարտ լուսանկար:
Ինչպես գրում է Daily Mail-ը, դրանում նախագահը նստած է բազմոցին, իսկ ճերմակ վերաշապիկը կիսով չափ արձակված է՝ ի ցույց դնելով կրծքավանդակի խիտ մազածածկույթը:
Պարբերականը նկատում է, որ քեժուալ ոճի լուսանկարում Մակրոնը հանգիստ և ուրախ տեսք ունի: Սոցկայքերի օգտատերերը, տեսնելով լուսանկարը, ենթադրել են, որ այն հատուկ է հրապարակվել՝ ընտրություններին ընդառաջ Մակրոնի վարկանիշը բարձրացնելու համար:
Ընտրությունների երկրորդ փուլը կկայանա ապրիլի 24-ին: Երկրի ղեկավարի պաշտոնի համար կմրցեն Մակրոնն ու Մարին Լը Պենը:
