«Առողջ Հայաստան» հիմնադրամը կապահովի ընտանեկան եւ նեղ մասնագետ բժիշկների երկարատեւ, շարունակական ներկայությունը Տավուշի մարզի գյուղական համայնքներում, որտեղ առկա է հիմնական բուժօգնության ծառայության մատուցման պակաս:
«Տավուշի մարզի յուրաքանչյուր բնակիչ պետք է ստանա իր պահանջները լիարժեք բավարարող բժշկական որակյալ ծառայություններ»,- նշում է Տավուշի մարզպետ Հայկ Չոբանյանը:
Տավուշի մարզից մեկնարկող այս ծրագրի միջոցով հնարավորություն կստեղծվի բարեփոխումներ կատարել՝ ապահովելով որակյալ բժշկական ծառայություններ մարզի յուրաքանչյուր բնակչի համար:
