«Մեր սպիտակ բանակը 2020 թվականի ընթացքում ամեն օր պատերազմեց, ու մինչ օրս էլ իր լուռ պատերազմն է տանում` փրկելով բազմաթիվ կյանքեր»,-սոցցանցի իր էջում գրել է վանաձորցի, բազմաթիվ բարեգործական ծրագրերի հեղինակ եւ իրականացնող Լիլիա Աբրահամյանը, նշելով, որ ինչպես պատերազմում, հիվանդանոցում նույնպես առանց համապատասխան «զրահաբաճկոնների»` բժիշկները հայտնվում են առաջնային վտանգի տակ:
«Սպիտակի բժշկական կենտրոնը միակն է Լոռու մարզում, որտեղ անիծյալ վիրուսով վարակված անձանց կյանքեր են փրկվում ամեն օր։ Բայց կա նաև մեծ վտանգ, որ այստեղ իրենց երդմանը հավատարիմ բժիշկները հենց իրենք կարող են հայտնվել վիրուսի ճիրաններում։ Այդ վտանգն այլևս մինիմալի է հասցվածԱՄՆ ցամաքային ուժերի Եվրոպական հրամանատարության հումանիտար օգնության ծրագրով, Հայաստանում ԱՄՆ դեսպանի, դեսպանատան ռազմական համագործակցության գրասենյակի ղեկավար մայոր Սթիվեն Պրատերի և հատկապես միջռազմական ծրագրերի համակարգող Անի Մելքումյանի մեծ ջանքերի շնորհիվ այսօր արդեն Սպիտակի բժշկական կենտրոնն ապահովված է մեծաքանակ պաշտպանիչ դիմակներով և բժշկական խալաթներով։
Արդեն մեր մարզի լավագույն բարեկամը դարձած այս ծրագրի անդամներն այցելեցին բժշկական կենտրոն, ծանոթացան առկա խնդիրներին, և իհարկե հսկայական նվերներ տրամադրելով` մեկ անգամ ևս հաստատեցին, որ դեսպանատունը կանգնած է մեր ժողովրդի, հատկապես Լոռու մարզի կողքին:
Շնորհակալ ենք, որ այս դժվարին օրերին ծրագրի իրականացնողները ժամ առաջ հասնում են մեր մարզի այն վայրեր, որտեղ իսկապես օգնության կարիք կա»,-շնորհակալական իր խոսքում հայտնել է Լիլիա Աբրահամյանը, նշելով, որԼոռու մարզի հետ կապված ցանկացած խնդիր բարձրաձայնելու դեպքում Անի Մելքումյանը շատ արագ ծրագրեր է գտնում և ուղարկում մարզ:
