33-ամյա Բախտիար Մահմուդովն իր ազգականի՝ Էլշան Աբասովի հետ միասին իր «Նիվա» մակնիշի մեքենայով մտել է Թալիշ գյուղի տարածք, որտեղ էլ մեքենայից դուրս գալով՝ Մահմուդովը չիմացության հետեւանքով կանգնել է ականի վրա ու այն պայթելու հետեւանքով տեղում մահացել:
Տեղեկությունը հայտնում է Ադրբեջանի գլխավոր դատախազությունը:
Մահացածի ազգականին հարցաքննել են, ներկայում փորձաքննություն է իրականացվում։
Նշվում է, որ Մահմուդովը նախկինում 2 անգամ տուգանվել է Թալիշի չականազերծված տարածք ապօրինի մուտք գործելու համար, նույն բանի համար նրա հարազատ եղբայրն էլ՝ Շախրիյար Մահմուդովը, վարչական կալանքի է ենթարկվել:
Եղբայրները Թալիշ են մտել հունվարի վերջին ու փետրվարի սկզբին, ստացվում է՝ երրորդ փորձը Մահմուդովներից մեկի համար ճակատագրական է դարձել:
