Արարատի եւ Վայոց ձորի մարզերի ընդհանուր իրավասության դատարանի դատավոր Թաթուլ Պողոսյանի նախագահությամբ շարունակվում է մասիսցի Էմիլիա Ե–ի դատավարությանը։ Նրան մեղադրանք է առաջադրվել ՀՀ քրեական օրենսգրքի 112 մասի 1-ին հոդվածի հատկանիշներով՝ դիտավորությամբ առողջությանը ծանր վնաս պատճառելը։
Ըստ մեղադրանքի, Արարատի մարզի Մարմարաշեն գյուղի բնակիչ Հրահատ Ազատյանը մոտ 6 տարի է, ինչ ծանոթ է Էմիլիայի հետ, եւ նրանք գտնվել են մտերիմ հարաբերությունների մեջ:
Անցած տարի, հոկտեմբերի 21-ին, կեսօրին, Հրահատ Ազատյանը հյուր է գնացել մտերմուհուն։ Հրահատը ցանկացել է հրաժեշտ տալ նրան, քանի որ պիտի մեկներ Արցախ՝առջնագիծ։
Տան խոհանոցում Հ.Ազատյանը հրաժեշտ է տվել Էմիլիային, որից հետո վերջինս տղամարդուց պահանջել է հեռանալ իր տնից։ Հրահատ Ազատյանը չի հեռացել, փորձել է գրկել էմիլիային, կինը թույլ չի տվել, ինչի պատճառով նրանց միջեւ վիճաբանություն է ծագել: Ազատյանը դուրս է եկել տան բակ, գետնից վերցրել է քարերը եւ նետել է էմիլիայի ուղղությամբ, որոնցից մեկը կպել է կնոջ դստերը: Այդ միջադեպից, էմիլիան նյարդայնացել է, տան մուտքի դռան մոտ դրված կոշիկների դարակի վրայից վերցրել է խոհանոցային դանակը եւ պահանջել է Հրահատ Ազատյանից հեռանալ տնից, վերջինս կրկին մոտեցել է էմիլիային։
Տեսնելով այդ էմիլիան, Հրահատ Ազատյանին մարմնական վնասվածք պատճառելու ուղղակի դիտավորությամբ’ աջ ձեռքում եղած խոհանոցային դանակով ուղղակի դիտավորությամբ մեկ անգամ հարվածել է Հրահատ Ազատյանի ձախ թիակի ներքեւի հատվածին եւ ձախից կրծքավանդակի հետին մակերեսի ծակած-կտրած թափանցող վերքի ու ձախակողմյան հեմոպնեւմոթորաքսի ձեւով պատճառել է կյանքին վտանգ սպառնացող ծանր վնաս:
Ամբաստանյալ կնոջ նկատմամբ խափանման միջոց է ընտրվել՝ ստորագրություն չհեռանալու մասին, իսկ նրան մեղսագրվող հոդվածը նախատեսում է ազատազրկում՝ 3–ից 7 տարի ժամկետով։
