«Հայրենիքի փրկության շարժում» նախաձեռնության անդամները մտադիր են գիշերն անցկացնել Ազգային ժողովի մուտքի մոտ՝ Բաղրամյան եւ Դեմիրճյան փողոցներում: Շարժման անդամ Իշխան Սաղաթելյանը հանրահավաքի մասնակիցներին կոչ արեց ավելի շատ վրաններ տեղադրել Դեմիրճյան փողոցում եւ ստեղծել պայմաններ՝ գիշերն այնտեղ անցկացնելու համար:
«Ավելացնում ենք մեր վրանները, պայմաններ ենք ստեղծում, որպեսզի կարողանանք մնալ այստեղ: Առավոտյան այս խորհրդարան որեւէ պատգամավոր չի մտնելու, որովհետեւ իրենք այլեւս անելիք չունեն»,- ասաց Սաղաթելյանը:
«Հայրենիքի փրկության շարժում» նախաձեռնության անդամների կողմից օրեր շարունակ փակ է պահվում նաեւ Բաղրամյան պողոտան:
