Արագածոտնի մարզպետարանի նախաձեռնությամբ ամբողջովին հիմնանորոգվել է Արագածոտնի մարզի Հացաշենի հիմնական դպրոցի տանիքը, վերանորոգվել են սանհանգույցները, բարելավվել է ջրամատակարարումը :
Աշխատանքների ընդհանուր արժեքը 21մլն դրամ է, որը հատկացրել է ՀՀ Արագածոտնի մարզպետարանը՝ ֆինանսական միջոցների նպատակային եւ բարեխիղճ տնօրինման արդյունքում գոյացած խնայողություններից:
Արդյունքում`
Կոտրտված եւ կաթկթող ազբոշիֆերից պատրաստված տանիքն ամբողջությամբ փոխարինվել է բոլորովին նոր թիթեղյա տանիքով: Վերանորոգված տանիքի մակերեսը 900քմ է:
Վերանորոգվել է 2 սանհանգույց, տեղադրվել են մեկական տոննա տարողությամբ ջրի 2 տարաներ /բաքեր/ եւ պոմպեր, թարմացվել են նորոգման կարիք ունեցող ջրագծերը: Շինարարական աշխատանքների ընթացքում փոխարինվել են նաեւ երեքական դռներ եւ պատուհաններ:
Հացաշենի հիմնական դպրոց է հաճախում 44 աշակերտ:
2021թ. ընթացքում եւս խնայված միջոցներից մարզի դպրոցներում շինարարականեւ գույքի ձեռքբերման ծրագրեր իրականացնելու նպատակով, Արագածոտնի մարզպետ Դավիթ Գեւորգյանի հանձնարարությամբ, մարզպետարանի ոլորտային պատասխանատուները շարունակում են իրականացնել ռեսուրսների արդյունավետ օգտագործման նկատմամբ սահմանված հսկողությունը:
