Տավուշի մարզպետ Հայկ Չոբանյանը 15 տավուշեցի զինծառայողի ընտանիքների է հանձնել «Մարտական ծառայություն» մեդալը, որով նրանք հետմահու պարգեւատրվել են:
Մարզպետն իր երախտագիտությունն է հայտնել հերոսացած զինծառայողների ընտանիքներին` նշելով, որ հայրենիքին կյանքը նվիրած տղաների սխրանքն անգնահատելի է:
«Դաժան պատերազմի եւ պարտության մեջ մեր արժանապատվությունը պահելու համար մենք երախտապարտ ենք մեր հերոս տղաներին եւ աղջիկներին: Այդ արժանապատվությունը շատ կարեւոր է, որպեսզի մենք ոտքի կանգնենք:Մեր երախտիքը, մեր խորին խոնարհումը մեր զավակներին, իրենց ընտանիքի անդամներին:
Եթե այսօր եւ վաղը այս երկրում մի բան պիտի փոխվի, պիտի փոխվի առաջին հերթին Ձեր զավակների շնորհիվ: Այսօր ես պատիվ ունեմ ուղղակի շատ փոքր վերաբերմունքով եւ պետական շնորհով անդրադառնալու մեր տղաներին եւ փոխանցելու ձեզ իրենց պարգեւները: Իմ խոնարհումը եւ երախտիքը բոլոր մեր զոհերին, իրենց գործը հավերժ է»,-ասել է Հայկ Չոբանյանը։
