Մարտի 23-ին, խոշոր ավտովթար է տեղի ունեցել Արմավիրի մարզում։ Ինչպես տեղեկացնում է shamshyan.com–ը, Ժամը 09։00-ի սահմաններում Երեւան-Արմավիր ավտոճանապարհի 16-րդ կմ-ին բախվել են Lexus GX 470 մակնիշի, Nissan Teana եւ Mercedes մակնիշի ավտոմեքենաները։
Վթարի հետեւանքով 1 հոգի բժշկական օգնություն ստանալու նպատակով տեղափոխվել է «Վաղարշապատ» բժշկական կենտրոն։
Բախման հետեւանքով Mercedes-ը կիսակողաշրջված վիճակում մասամբ հայտնվել է Nissan-ի վրա։
Ոստիկանությունը պարզում է վարորդների եւ վիրավորի ինքնությունը։
