Գյումրիում կրկին սպանություն է տեղի ունեցել: Մարտի 27-ին, ժամը 15:30-ի սահմաններում Երեւանյան խճուղու շենքերից մեկում սպանվել է 1995 թվականին ծնված Գ. Դ.-ն: «Հայկական ժամանակի» հետ զրույցում ՇՄ դատախազ Գուրգեն Գրիգորյանն ասաց, սպանվածի թիկունքին առկա է ծակած-կտրած վնասվածք:
Այս պահին դեպքի վայրում աշխատում են քննիչները:
Դին հայտնաբերվել է 3-րդ եւ 2-րդ հարկերն իրար միացնող աստիճանավանդակի վրա: «Տղային եկել, տանից դուրս են կանչել, հրավիրել են զրուցելու: Տղան դուրս է եկել, քիչ հետո ձայներից մայրը դուրս է եկել, դին տեսել է»,- ասաց դատախազը:
Այս պահին հրապարակման ենթակա այլ տեղեկատվություն, ըստ դատախազի, չկա: Ձեռնարկվում են օպերատիվ-հետախուզական միջոցառումներ հանցանք կատարած անձին հայտնաբերելու եւ նրա ինքնությունը պարզելու ուղությամբ:
