Սյունիքի մարզում մանկապարտեզների նորոգումը մեր սուբվենցիոն ծրագրերի առաջնահերթություններից է. տեղեկացրել է ՀՀ տարածքային կառավարման եւ ենթակառուցվածքների նախարար Սուրեն Պապիկյանը:
«Միայն Սիսիան համայնքում 2020-21 թթ. ընթացքում վերանորոգվել են Նորավան, Շամ, Վաղատին, Տոլորս բնակավայրերի, Սիսիանի թիվ 2, թիվ 3 մանկապարտեզները:
Երեխաների համար նոր, բարեկեցիկ միջավայր ապահովելու նպատակով արդիականացվել է նաեւ նախակրթարանների գույքը:
Սյունիքի այլ համայնքներում եւս սուբվենցիոն ծրագրերով շարունակվում է ինչպես մանկապարտեզների, այնպես էլ այլ ենթակառուցվածքների բարեկարգումը»,- հայտնել է նախարար Պապիկյանը:
Լուսանկարում՝ Մեղրիի նախակրթարանը, որը նորոգվում է նույն ծրագրով
