Արաբական թերակղզուց արեւադարձային տաք օդի ալիքի ներթափանցմամբ պայմանավորված ապրիլի 4-7-ին օդի ջերմաստիճանը հանրապետության ողջ տարածքում աստիճանաբար կբարձրանա 8-10 աստիճանով։ Հիդրոօդերեւութաբանության եւ մոնիթորինգի կենտրոնը տեղեկացնում է, որ Սյունիքի հովտային գոտում արդեն ապրիլի 8-ին օդի ջերմաստիճանը ցերեկային ժամերին կհասնի +27․․․+30, Արարատյան դաշտում եւ Երեւանում +26․․․+28 աստիճանի:
Հանրապետության տարածքում՝ ապրիլի 3-ի ցերեկը առանձին շրջաններում սպասվում են կարճատեւ տեղումներ, հնարավոր է ամպրոպ: Ապրիլի 4-8-ին սպասվում է առանց տեղումների եղանակ: Քամին՝ հարավ-արեւելյան՝ 2-5մ/վրկ: Օդի ջերմաստիճանն ապրիլի 4-8-ին աստիճանաբար կբարձրանա 8-10 աստիճանով:
