Ապրիլի 8-ին, ժամը 01։22-ին Արարատի մարզային ճգնաժամային կառավարման կենտրոն ահազանգ է ստացվել, որ Դիմիտրով-Մխչյան ավտոճանապարհին՝ գնացքի գծերի վրա, տեղի է ունեցել ՃՏՊ, բախվել են ավտոմեքենան եւ բեռնատար գնացքը․ կա տուժած։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Դիմիտրով գյուղի ուղեփակոցի մոտ գնացքը բախվել է «Daewoo Nexia» (վարորդ՝ Ն․ Հ․, ծնված 1986թ.) մակնիշի ավտոմեքենային եւ մոտ 600 մ առաջ շարժվել․ ավտոմեքենայի վարորդը տեղում մահացել է:
Փրկարարները հատուկ տեխնիկայի միջոցով դուրս են բերել վարորդի դին եւ մոտեցրել շտապօգնության ավտոմեքենային:
