Լոռու մարզի Ազնվաձոր համայնքից արտագաղթը չի դադարում: Գյուղը, որ մարզկենտրոն Վանաձորից մի քանի կմ հեռավորության վրա է գտնվում, գազաֆիկացված չէ, ճանապարհներն անբարեկարգ են, խմելու ջուրը` խնդիր: Կենսական այս կարեւոր խնդիրները տարիներ շարունակ դուրս են մնացել իշխանությունների ուշադրությունից: Այն, ինչ արվում է գյուղում, արվում է միայն համայնքային բյուջեի, համայնքի ղեկավարի անձնական ու ընկերական կապերի, տարբեր ծրագրեր համայնք բերելու շնորհիվ:
Հերթական լուրջ ու կարեւոր ծրագիրը, որ գյուղապետ Նարեկ Հովսեփյանը որոշել է իրականացնել գյուղում, գյուղի գազաֆիկացման հարցն է: Տարբեր քննարկումների ու բանակցությունների շնորհիվ արդեն իսկ արտերկրում դրամահավաք է սկսվել, անհրաժեշտ գումարը հավաքվելուց հետո գյուղում աշխատանքները կմեկնարկեն:
Ազնվաձորի համայնքապետ Նարեկ Հովսեփյանը Marzer.am-ի հետ զրույցում անդրադարձել է համայնքի խնդիրներին, կատարված աշխատանքներին ու այս տարվա ծրագրերին:
Մանրամասները`Marzer.am- տեսանյութում:
