Ազգային ժողովի նախկին պատգամավոր Տիգրան Արզաքանցյանը, հավատարիմ մնալով իր արմատներին, շարունակում է լինել ու մնալ գավառցիների կողքին։ Օրերս, Արզաքանցյանն այցելեց քաղաքում գտնվող կարի արտադրամաս, որը 2002 թ.-ից մինչեւ օրս չէր աշխատում։
Մանրակրկիտ ուսումնասիրվեց տարածքն ու քննարկվեցին այն բոլոր հարցերը, որոնց լուծումը հնարավորություն կտա հարյուրից ավելի գավառցիների աշխատել ու արարել հայրենի հողում։ Ըստ Տիգրան Արզաքանցյանի, կարի արտադրամասը լինելու է հանրապետությունում առաջատարներից մեկը՝ զինված ժամանակակից տեխնիկայով և բազում արարող ձեռքերով։
«Զարկ տալով հայկական արտադրությանն ու հային սեփական հողին շղթայելու մեծ պատգամով` մեր մասին դեռ աշխարհն է խոսելու»,- ասել է գործարարը
Ի դեպ, այսօր մամուլում հրապարակումներ եղան, որ Տիգրան Արզաքանցյանը նորից մտնելու է մեծ քաղաքականություն։ «Ես հիմա մտածում եմ, բայց որոշում չեմ կայացրել քաղաքական գործունեության համար», –հարցազրույցներից մեկում ասել է նա:
