ՀՀ արտակարգ իրավիճակների նախարարությունից տեղեկացնում են, որ վերսկսվել են ապրիլի 9-ից Հրազդան քաղաքում կորած քաղաքացու որոնողական աշխատանքները, որոնք շարունակվել էին մինչեւ ապրիլի 11-ը: Ժամը 23։11-ին, մթության եւ եղանակային պայմաններից ելնելով՝ որոնողական աշխատանքները դադարեցվել էին։
Այդ նպատակով դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը եւ հատուկ ջրափրկարարական ջոկատից մեկ մարտական հաշվարկ:
Ժամը 17։04-ին փրկարարները հայտնաբերել են կորած քաղաքացու դին։
Հիշեցնենք, որ ապրիլի 9-ին՝ ժամը 19։29-ին, Կոտայքի մարզային ճգնաժամային կառավարման կենտրոն ահազանգ է ստացվել, որ Հրազդան քաղաքում քաղաքացի Ց․ Ն․-ն (ծնված 1965 թ․) փորձում է ինքնասպան լինել՝ նետվելով «Աղբյուրակ» ջրամբարը։ Փրկարարներն «Աղբյուրակ» ջրամբարի ափամերձ հատվածում հայտնաբերել էին քաղաքացու անձնական իրերը։ Որոնողական աշխատանքներին մասնակցել են 7 փրկարար եւ 20 ոստիկանության աշխատակից:
