Կենտրոնական ընտրական հանձնաժողովը ներկայացրել է ԱԺ պատգամավոր ընտրված եւ լիազորությունները վաղաժամկետ դադարեցված պատգամավոր Սուրեն Գրիգորյանի մանդատը հաջորդ թեկնածուին տրամադրելու մասին արձանագրությունը:
Ըստ այդմ, մանդատը տրվում է «Իմ քայլը» դաշինքի համապետական ցուցակի առաջին հերթական հաջորդ թեկնածու Վահագն Ալեքսանյանին:
Ազգային ժողովի կանոնակարգ օրենքի համաձայն վերջինս երդվեց:
Հիշեցնենք, որ Սուրեն Գրիգորյանը նշանակվել է արդարադատության փոխնախարար:
