Սյունիքը եւս մասնակցել է «10 մլն ծառ» նախաձեռնության շրջանակում ապրիլի 25-ին մեկնարկած համապետական ծառատունկին։
7000 ծառ տնկել են մարզային ենթակայության հանրակրթական դպրոցներն ու մարզի համայնքները։
Իսկ Սիսիանում 7 հա տարածքի վրա հիմնվել է նոր անտառային տարածք, որտեղ 30 000 ծառ տնկվել է մարզի անտառտնտեսությունների ուժերով։
Ծառատունկի համար համայնքներում ընտրվել են ոռոգման հնարավորություն ունեցող տարածքներ․ դպրոցները տնկել են պտղատու ծառեր՝ խնձորենիներ (3280 հատ), մյուսները տնկել են հացենիներ։
Դպրոցներում երեկ նաեւ շաբաթօրյակ է իրականացվել։
Հաշվի առնելով աշխատանքի ծավալը՝ մարզում ծառատունկն այսօր շարունակվում է։
