Բերդ համայնքի Արծվաբերդ բնակավայրում նոր մանկապարտեզ է գործելու (գործող մանկապարտեզից զատ)։ Մանկապարտեզի համար նախատեսված շենքի վերանորոգման աշխատանքներն իրականացվում են ամերիկյան «Փարոս» հիմնադրամի միջոցներով: Ապրիլի 29-ին, Բերդ համայնքի ղեկավար Հարություն Մանուչարյանը և «Փարոս» հիմնադրամի ներկայացուցիչներն այցելել են Արծվաբերդ` ծանոթանալու մանկապարտեզի շենքի շինարարական աշխատանքների ընթացքին: Նրանց ուղեկցել է Արծվաբերդի վարչական ղեկավար Օնիկ Բալյանը:
