Գլխավոր Մարզեր ՏԱՎՈՒՇ Տավուշի թեմի հոգեւոր հովիվ. «Արժեքները այնպես են խեղաթյուրվել, որ հերոս ծնած, դաստիարակած...

Տավուշի թեմի հոգեւոր հովիվ. «Արժեքները այնպես են խեղաթյուրվել, որ հերոս ծնած, դաստիարակած ծնողին դասալիքի ծնողը գալիս է ցավակցելու»

0

«Ճշմարտություն սերունդների համար նախաձեռնության կազմակերպած քննարկմանը, որը միավորել է 44-օրյա պատերազմում նահատակված զինվորների ծնողներին, մասնակցում էր նաեւ Տավուշի թեմի հոգեւոր հովիվ Տեր Արամ քահանա Միրզոյանը, որի երկու եղբայրները զոհվել են արցախյան առաջին եւ վերջին պատերազմներում: Այս մասին հայտնում է`aravot.am-ը:

«Կարծում եմ՝ մենք սխալ հասարակության մեջ ենք ապրում: Կամ սա այն հասարակությունը չէ, որի համար մենք պայքարում էինք, ծառայում էինք եւ ուզում էինք փոխել: Մի ընդհանուր դիտարկում ունեմ: Մեր հայրենիքում մենք ոչ թե ապրում ենք, այլ նոյեմբերի 10-ից հետո մենք ամեն օր մեռնում ենք: Ապրելը շատ վերամբարձ է, հազվադեպ երեւույթ է այսօր մեր օրերում: Բայց այս պահին մեռնելը շատ մեծ շռայլություն կլինի: Մենք պիտի ապրենք, պայքարենք եւ շարունակենք մեր սրբազան պայքարը, որի համար մեր տղաները անմահացել են: Մեզ համար մի կարեւոր բացահայտում ենք արել: Ապաքինման համար մենք պետք է հիշենք, հիշենք մեր հերոսներին անուն առ անուն: Միայն այդպես է լինելու հասարակության եւ մեր կյանքի ապաքինումը: Մենք չենք կարողանալու մեզանից փախչել, չենք կարողանալու խուսափել իրականությունից: Պիտի հաշտվենք եւ այդպես ապաքինվենք: Մեր բոլոր տղաները, անխտիր բոլորը հաղթել են եւ, անկեղծ ասած, երբ նայում ենք, չգիտենք՝ իրենք են երանելի, թե մենք ենք ողորմելի վիճակում:

Մանրամասները`սկզբնաղբյուր կայքում:

Մեկնաբանել