Սյունիքում այս պահին իրավիճակը հանգիստ է, հայկական, ադրբեջանական եւ ռուսական կողմերի մասնակցությամբ բանակցություններ են ընթանում՝ առաջացած հակասությունները հարթելու ուղղությամբ: Այդ մասին մեզ հետ զրույցում տեղեկացրեց սյունեցի պատգամավոր Արմեն Խաչատրյանը՝ ընդգծելով, որ մարզպետը եւս տեղում է: Այս մասին հայտնում է`armtimes.com-ը:
Խոսելով մամուլում տարածված տեղեկությունների մասին՝ համաձայն որոնց մարտեր են ընթացել Իշխանասարի ուղղությամբ, Խաչատրյանը դրանք ապատեղեկատվություն որակեց. «Իմ տեղեկություններով՝ ադրբեջանցիները, օգտվելով ձնհալից, փորձել են Իշխանասարի ուղղությամբ դիրքերի տեղադրման աշխատանքներ իրականացնել: Բայց քանի որ այդ ամենի հետեւանքով խախտել են մեր վարչական սահմանը՝ մերոնք միջամտել են եւ թույլ չեն տվել: Որեւէ միջադեպ չի եղել, լրատվամիջոցներում տեղ գտած տեղեկությունները ապատեղեկատվություն են, չեն համապատասխանում իրականությանը եւ ավելորդ տագնապ են առաջացնում ժողովրդի մոտ»,- ասաց Խաչատրյանը:
Հարցին՝ վիրավորներ ունե՞նք, պատգամավորը բացասական պատասխան տվեց. «Չէ, չէ, չունենք, ի՞նչ վիրավոր»:
Մանրամասները`սկզբնաղբյուր կայքում:
