Ադրբեջանի զինված ուժերը ներխուժել են հայկական տարածք։ Նրանք պետք է անհապաղ հետ քաշվեն: Այս մասին Ֆեյսբուքի իր էջում հայերեն գրառում է արել Ֆրանսիայի նախագահ Էմմանուել Մակրոնը: Գրառման մեջ նաև ասված է.
«Եվս մեկ անգամ ասում եմ հայ ժողովրդին` Ֆրանսիան համերաշխ է ու այդպիսին էլ կմնա»:
Հիշեցնենք, որ Ադրբեջանի զինված ուժերը Սյունիքի մարզի Սև լիճ տեղանքում և հարակից տարածքում մայիսի 13-ի առավոտյան հատել են Հայաստանի Հանրապետության պետական սահմանը և խորացել մինչև 3,5 կիլոմետր, ըստ էության, փորձ անելով պարփակել Սև լիճը:
