Ռուսաստանի պաշտպանության նախարար, բանակի գեներալ Սերգեյ Շոյգուն մայիսի 19-ի երեկոյան հեռախոսազրույց է ունեցել Հայաստանի պաշտպանության նախարար Վաղարշակ Հարությունյանի հետ, նրանք քննարկել են իրավիճակը Լեռնային Ղարաբաղում: Այս մասին տեղեկացնում է «ՌԻԱ Նովոստի» գործակալությունը` հղում տալով ՌԴ պաշտպանության նախարարությանը:
«Զրույցի ընթացքում քննարկվել է իրավիճակը տարածաշրջանում և այն շրջաններում, որտեղ ռուսական խաղաղապահ առաքելությունը կատարում է իր հանձնարարությունները, ինչպես նաև փոխադարձ հետաքրքրություն ներկայացնող այլ հարցեր»,-ասվում է հաղորդագրության մեջ:
