ՀՀ նախագահ Արմեն Սարգսյանը ստորագրել է փոխվարչապետ եւ 3 նախարար նշանակելու որոշումները։
Ըստ այդմ՝ Սուրեն Պապիկյանը նշանակվել է փոխվարչապետ։
«Հիմք ընդունելով վարչապետի առաջարկությունը` համաձայն Սահմանադրության 150-րդ հոդվածի.
Սուրեն Պապիկյանին նշանակել փոխվարչապետ»,-ասված է նախագահի հրամանագրում:
Նախագահի ստորագրած հրամանագրով պաշտպանության նախարար է նշանակվել Արշակ Կարապետյանը։
Մեկ այլ հրամանագրով՝ Նարեկ Մկրտչյանը նշանակվել է աշխատանքի եւ սոցիալական հարցերի նախարար։
Շրջակա միջավայրի նախարար է նշանակվել Ռոմանոս Պետրոսյանը։
