Քաջարան համայնքի ղեկավար Մանվել Փարամազյանի խափանման միջոցի՝ կալանքի փոփոխության որոշումը Սյունիքի մարզի առաջին ատյանի դատարանը հրապարակելու է երկուշաբթի՝ մայիսի 2-ին, ժամը 17.00-ին։ Այս մասին ֆեյսբուքի իր էջում տեղեկացրել է Քաջարանի համայնքապետի մամուլի քարտուղար Դավիթ Համբարձումյանը։
«Հարգելի հայրենակիցներ, Քաջարան համայնքի ղեկավար Մանվել Փարամազյանի փաստաբանների կողմից արված միջնորդության որոշումը` կապված խափանման միջոցի փոփոխության հետ, կհրապարակվի մայիսի 2-ին, ժամը 17։00-ին, Գորիսի նստավայրում։
Ազատություն Մանվել Փարամազյանին»,-գրել է Դավիթ Համաբարձումյանը։
Հիշեցնենք, որ Մանվել Փարամազյանի դատական գործը դատավոր Լուսինե Սեփխանյանի վարույթում է։
