Վայոց ձորի մարզպետ Արարատ Գրիգորյանն մարտի 14-ին այցելել է Եղեգիս համայնքի Շատին գյուղի բնակիչ հարյուրամյա Վարդանուշ Գյուլնազարյանին՝ շնորհավորելու նրա հոբելյանական տարեդարձը:
Արարատ Գրիգորյանը ջերմ զրույց ունեցավ Վարդանուշ տատիկի հետ, հետաքրքրվեց հոբելյարի առողջությամբ եւ նրան մաղթեց երջանիկ ծերություն: Ներկա էին նաեւ Եղեգիս համայնքի ղեկավար Արթուր Ստեփանյանը եւ մարզպետարանի առողջապահության եւ սոցիալական ապահովության վարչության պետ Վասիլ Ասլանյանը: Մարզպետը եւ համայնքի ղեկավարը Վարդանուշ տատիկին նվերներ, ծաղիկներ ու ֆինանսական աջակցություն տրամադրեցին։
Վարդանուշ Եղյայի Գյուլնազարյանը ծնվել է 1923 թվականի մարտի 13-ին, Եղեգիս համայնքի Շատին բնակավայրում: Ունի 6 երեխա, 13 թոռ, 29 ծոռ: Աշխատել է գյուղատնտեսության բնագավառում եւ լավ աշխատանքի համար խորհրդային տարիներին արժանացել պարգեւների:
« Առողջություն եւ երջանիկ ծերություն մեկ դարը բոլորած բոլոր վայոցձորցիներին»,-նշված է Վայոց ձորի մարզպետարանի էջում։
