Ադրբեջանը պետք է անհապաղ դադարեցնի Լեռնային Ղարաբաղի դեմ հարձակումները։ «Արմենպրես»-ի փոխանցմամբ, այս մասին X (նախկին «Թվիթեր») սոցցանցում գրառում է կատարել Եվրոպական խորհրդարանում Հայաստանի հարցերով մշտական զեկուցող Անդրեյ Կովաչեւը։
«Ադրբեջանի հարձակումները Լեռնային Ղարաբաղի վրա պետք է հենց հիմա դադարեցվեն։ Ակնհայտ է, որ դրանց հետեւում կանգնած է Պուտինը, ով փորձում է ապակայունացնել Հայաստանը։ Ադրբեջանը պետք է անհապաղ դադարեցնի այս ամենը եւ թույլ տա, որ Լեռնային Ղարաբաղը վերադառնա բնականոն կյանքին։ «Հումանիտար միջանցքները», որոնք նպատակ ունեն հայերին քշել Լեռնային Ղարաբաղից, հավասարազոր են էթնիկ զտումներին»,- գրել է նա։
