Հայաստանում այսօր՝ հունիսի 20-ին, արտահերթ խորհրդարանական ընտրություններ են:
Ընտրական կարգի համաձայն, ժամը 8:00-ից ՀՀ ամբողջ տարածքում բացվել են բոլոր ընտրական տեղամասերը:
Ըստ ՀՀ կենտրոնական ընտրական հանձնաժողովի հրապարակած տվյալի` Հայաստանում ընտրելու իրավունք ունի 2 միլիոն 583 հազար 823 անձ։
Հանրապետության ողջ տարածքում 38 ընտրատարածքներում կգործի 2008 տեղամաս։ Գործընթացը լուսաբանելու համար հավատարմագրվել է օտարերկրյա 49 և տեղական 68 լրատվամիջոց։
Դիտորդական առաքելություն կիրականացնի միջազգային 8 և տեղական 19 կազմակերպություն։
Այս ընտրությունները Հայաստանի Ազգային Ժողովի 8-րդ գումարման արտահերթ ընտրություններն են: Այն նախատեսված էր անցակացնել 2023 թվականի դեկտեմբերի 9-ին, սակայն ավելի վաղ նշանակվեց՝ 2020 թվականի Հայ-ադրբեջանական պատերազմից հետո Հայաստանում տևական քաղաքական ճգնաժամի պատճառով:
Մայիսի 10-ին խորհրդարանը երկրորդ անգամ վարչապետի պաշտոնում չընտրեց Նիկոլ Փաշինյանին և Հայաստանի յոթերորդ Ազգային ժողովը լուծարվեց օրենքի ուժով։
Ընտրություններով Ազգային ժողովը կձևավորվի պարզ համամասնական ընտրական համակարգով:
