SHAMSHYAN.com-ի տեղեկություններով՝ Ոստիկանության Չարենցավանի բաժնում նյութեր են նախապատրաստվում երեկ, մայիսի 5-ին, Ոստիկանության Չարենցավանի բաժին դիմած Երևանի բնակիչ 52-ամյա Սևադա Արզումանյանի դիմումի փաստով։
Ինչպես հայտնում է ֆոտոլրագրող Գագիկ Շամշյանը, վերջինս Ոստիկանության Չարենցավանի բաժնում հայտնել է, որ նույնն օրը ժամը 16։00-ից 16։40-ն ընկած ժամանակահատվածում Չարենցավան քաղաքում գտնվող «Վան» ֆուտբոլային ակումբին պատկանող մարզադաշտի հանդերձարանից խոշոր չափի գողություն է կատարվել։
Գ․ Շամշյանի տեղեկություններով՝ Չարենցավանի ոստիկանները, ժամանելով նշված վայր, պարզել են, որ գողացել են ակումբի մարզիկներին պատկանող թվով 2 հատ «Այֆոն 11», 1 հատ «Այֆոն 12» մոդելների բջջային հեռախոսներ, ինչպես նաև 50 հազար և 10 հազար դրամ կանխիկ գումարներ։ Տնօրեն Ս․ Արզումանյանը ոստիկաններին հայտնել է, որ իրենց պատճառվել է մոտ 1 միլիոն 600 հազար դրամի վնաս։
Մանրամասները`սկզբնաղբյուր կայքում:
