Ոստիկանության Չարենցավանի բաժնի քրեական հետախույզները հունիսի 2-ին տեղեկություն էին ստացել, որ Չարենցավանցի մի երիտասարդ գողություններ է արել։ Մասնավորապես, Չարենցավանի Գործարանային փողոցում պարբերաբար գողացել էր բարձրավոլտ էլեկտրասնուցման մալուխներ։ Տեղեկությունների իսկությունը ճշտելուց հետո Չարենցավանի քրեական հետախույզները երիտասարդին հայտնաբերել ու բերման են ենթարկել բաժին:
Այս մասին տեղեկացնում է ՀՀ ոստիկանությունը:
23-ամյա երիտասարդը խոստովանել է, որ գողություններն արել է մայիսի 28-ին ու հունիսի 1-ին։ Պարզվել է, որ գողոնը մոտ 500 հազար դրամով վաճառել էր։ Գողոնը հայտնաբերվել և առգրավվել է։ Դեպքի հանգամանքները քննությամբ պարզվում են։
